Расширенный поиск
16 Мая 2024 года
Логин: Регистрация
Пароль: Забыли пароль?
Навигация
Словарь
  • Арбаз сайлама да, хоншу сайла.
  • Айраннга суу къош, телиге джол бош.
  • Кёзден кетген, кёлден да кетеди.
  • Тюзлюк шохлукъну бегитир.
  • Ач, тоймам, дейди, тойгъан, ач болмам, дейди.
  • Кийим тукъум сордурур.
  • Ариу сёз аурууунгу алыр.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Джылыгъа джылан илешир.
  • Къонакъ аман болса, къонакъбай джунчур
  • Рысхысына кёре, джаш ёсер, къышлыгъына кёре, мал ёсер.
  • Окъуусуз билим – джокъ, билимсиз кюнюнг – джокъ.
  • Азыкълы ат арымаз, къатыны аман джарымаз.
  • Баш болса, бёрк табылыр.
  • Ашлыкъны арба юйге келтирир, чана базаргъа элтир.
  • Аманнга алтын чыдамаз.
  • Тилчиден кери бол.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Джыйырма къойну юч джыйырма эбзе кюте эди.
  • Тамырсыз терекге таянма – джыгъылырса.
  • Ата Джуртун танымагъан, атасын да танымаз.
  • Окъ къызбайны джокълайды.
  • Намыс сатылыб алынмайды.
  • Билим насыб берир, билим джолну керир.
  • Ариу сёзде ауруу джокъ.
  • Кесинге джетмегенни, кёб сёлешме.
  • Адамгъа аман кюн соруб келмейди.
  • Джаш болсун, къыз болсун, акъылы, саны тюз болсун.
  • Ёлмесенг да, къарт дамы болмазса?
  • Тилчи тилден къаныкъмаз.
  • Харам къарнашдан, халал тенг ашхы.
  • Хар зат кесини орнуна иги.
  • Эллинг бла джау болсанг да, юйюнг бла джау болма.
  • Ата – билек, ана – джюрек!
  • Къартха ушагъан джаш – акъыллы, джашха ушагъан къарт – тели.
  • Кёз – сюйген джерде, къол – ауругъан джерде.
  • Аджашхан тёгерек айланыр.
  • Ишни аллы бла къууанма да, арты бла къууан.
  • Акъыллы айтыр эди, акъылсыз къоймайды.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Ойнай-ойнай кёз чыгъар.
  • Эшекге миннген – биринчи айыб, андан джыгъылгъан – экинчи айыб.
  • Тынгылагъан тынгы бузар.
  • Хазыр ашха – терен къашыкъ.
  • Чакъырылмагъан джерге барма, чакъырылгъан джерден къалма.
  • Эл элде бирер малынг болгъандан эсе, бирер тенгинг болсун.
  • Бозаны арты дауур болур.
  • Тас болгъан бычакъны сабы – алтын.
  • Ургъан суудан башынгы сакъла.